الــــــــرســــــــــــالـــــــــــة...

من طرف بـسـكـوووتــه الخميس أبريل 02, 2009 11:59 am

رسالة حب قديمه تفجر ابجديات الشعر في قلب الشاعر الأكثر رومنسيه...

((مــــــــــحــــــــــمــــــــــد الشـــــــــــهــــــــــري)) رساله تحركـ الساكن ...

وتزيد من تواتر اللحضات في قلب عاشق يكتب بصدق مفرط...

وبذكاء شديد عن قصة رومانسيه مضى عليها الزمن...

واحده من أرق القصائد التي تستقر في اقاصي الروح..
...

...

...

ممكن تشوف الرساله هذي واقراها ابيك

تعترف لي من كتبها ؟ انت والا شخص ثاني ..

فيها مكتوب ( اعشقك واشتاقلك واموت فيك

واوعدك انا نعيش لبعض بأخلاص وتفاني ..

وان مهما طال الوقت اعينك واعتنيك

ومستحيل اجرح شعورك يوم او مني تعاني ..

وان حتى لو تخلوا عنك لحظه والديك

مستعد أعوضك يا كل كلي من حناني ..

وان هذا القلب منك اوله واخرته اليك

فاعرف اني لجل حبك بعت كل اللي شراني )..

شفت ها الأربع سطور اللي قريت بناظريك

هذي فحوى من رساله انت كاتبها عشاني ..

احتفظت بها زمان وقلت: بمسكها عليك

لجل ادينك لو تغير ها الكلام الأوﻻني...

اذكر انك قلت لي في وقتها:الله يهديك

يعني معقوله اتغير وانت قطعه من كياني ..

ﻻتوسوس واحتويني كثر ماني محتويك

واترك الأقدار تثبت صدق ما قاله لساني ..

قلت:ماهي وسوسه والود ودي التقيك

أربع وعشرين ساعه معك ما أبرح مكاني ..

بس أخاف اني ما اشكي لك الجرح اشتكيك

وانت تدري وش يسوي الجرح في وسط المحاني ...

قلت لي:ﻻﻻ تطمن ليش خوفك يعتريك

خلي خوفك من جميع الناس وارقد في أماني..

ومرت الأيام واحنا بين هذي وذيك

اتصاﻻت ولقاءات ومراسيل وأغاني ...

لين غبت بلا سبايب واستمريت احتريك

وعشت وهم أعانقك في كل لحظه من زماني..

صرت أشوفك والمسك من حتى ما أجيك

كلما طالعت ل البوم الصور بضعة ثواني ..

واشعر بأحساس يذبح لكنه ويريك

أن أية شيء مهما طال يبقى شيء فاني ..

مثل حبك قادني لمواجه الموت الوشيك

واكتشفت انه سراب وحلم ضيع عنفواني ..

فليتني فيما مضى من عمر ماكنت ارتجيك

وليتني ما كنت أحب بصدق واني دنجواني ..

ابتليت بعشقك الله مير جعله يبتليك

وانت ما قدرت حتى تضحياتي يا أناني ..

شفت لك شوفه جديده وصار لك غيري شريك

وافترقنا وصرت انا مجني عليه وانت جاني ..

انصدمت وقمت اعيد الذاكره واقرا حكيك

واسأل حروف الرساله عنك:معقوله نساني ..

قالت:اللي كان يكتبني ورماني في يديك

قبلها في يدين غيرك كان كاتبني ورماني ..

هذا واحد باع غيرك لجل يقدر يشتريك

مثل ما هالحين باعك لجل يشري شخص

ثاني ..

اتمنى عجبتكم.. لكم مني كل الحب والتقدير